موضوعنا اليوم موضوع شيق وهو عن الفنون القتاليه العسكريه التي تتدرب عليها الجيوش في مختلف بلدان العالم وهو مايسمى بال MMA او Military Martial Arts
بداية لازم نعرف ان دي مش رياضه قتاليه زي الكونج فو او الكراتيه او البوكسيج .... الخ
دي رياضات قتاليه ليها قواعد و اساليب وتكنيكات محدده بيتم تطبيقها
لكن الفنون القتاليه العسكريه بتبقى ميكس من اكتر من رياضه قتاليه وكل جيش دوله بتختلف طريقة تدريبه واختياره للفنون من دوله لاخرى .. ياعني هتلاقي طرق قتال الجيش الصيني غير طرق قتال الجيش الامريكي غير الروسي وهكذا
طيب ليه الجيوش مش بتستخدم فن قتالي معين يتم التدريب عليه ؟؟ هل ده معناه ان الفنون القتاليه ضعيفه او فقيره
اولا : دي بتبقى من اسرار الجيش ولا يجوز لاي جيش معرفة مايتدرب عليه الجيش الاخر .. ياعني لو عرفت مثلا ان جيش امريكا بيتدرب تايكواندو بس انا ممكن ادرب جيشي على طريقه اقدر بيها اتغلب على هذه الرياضه
ثانيا : مش كل افراد الجيش هتبقى عندهم لياقه عاليه علشان يقدروا يدرسوا فن قتالي معين من اوله لاخره .. الافراد في الجيش وقت الحرب او الاشتباك بيبقوا محتاجين حركات بسيطه تنهي القتال سريعا وفي نفس الوقت لا تحتاج لياقه بدنيه عاليه
علشان كده الجيش بياخد اقوى الضربات والتكنيكات من كل رياضه قتاليه ويدمجها مع بعض علشان يطلع اسلوب سهل يقدر بيه يدرب عليه جنوده
ولعل اسرائيل تعتبر من اكثر الدول المهتمه بتلك الاساليب ويتضح ذلك من خلال ان لديها اسلوبين للقتال بيستخدموا في الجيش .. اول اسلوب اسمه كراف ماجا والاسلوب الثاني يسمى كاباب
ايضا روسيا لديها اسلوبين للقتال وهم السيستيما والسامبو
لن تجد بطولات لتلك الرياضات لانها ليست رياضات مستقله كالكونج فو والبوكسينج كما ذكرنا ولكنها مزيج من فنون قتاليه مختلفه
ويلاحظ ايضا ان كل دوله لديها فن قتالي مثل الصين ( كونج فو ) اليابان ( كراتيه ) كوريا ( تايكواندو )
بتدرج كثير من تكنيكاته في طرق القتال الخاصه بجيشها
ايضا من الرياضات القتاليه القويه جدا والتي تعتمد على حركاتها اغلب الجيوش وهذه المعلومه رايتها في اكثر من فيديو قتالي هي رياضة السيلات الاندونيسيه
هناك كلام كثيييير جدا عن هذا الموضوع ولكن انا لا اريد ان اطيل عليكم وساغطي ماتحتاجوه من خلال اسالتكم والاجابه عليها .. والايام القادمه ساقوم بعمل موضوعات بها فيديوهات وكتب عن الفنون القتاليه العسكريه باذن الله
والسلام عليكم
استكمالا للموضوع السابق وبناءا على طلب احد الاعضاء بارفاق الكتاب الخاص بفنون القتال العسكريه
تم ارفاق كتابين من اهم الكتب في الفنون القتاليه العسكريه منهم كتاب عن الفن القتالي الاسرائيلي الكراف ماجا .. لازم تعرف غيرك بيتدرب ازاي وعلى ايه وايه هي طرق و اساليبه في القتال حتى تتفاداها اذا لزم الامر
وكتاب اخر عن طرق قتال الجيش الامريكي
اتمنى ان تنال الكتب على رضاكم وانصحكم بقراءتها و مشاهدة الصور لانها مفيده جدااا
طبعا لن اكتفي بالكتب سارفق ايضا فيديوهات في المرات القادمه
تحياتي وبالتوفيق
http://www.mediafire.com/view/k86l8x6illkivgd/manualkravmaga-111120162709-phpapp01.pdf
http://www.mediafire.com/view/rnkicp37w000ht1/USMCcombat.pdf
0 تعليق
اتبع التعليمات لاضافة تعليق