الفرق بين قتال الشوارع و بين ماتشاهده في الفيديوهات

اهلا بكل الأعضاء االكرام
موضوع النهارده مهم جداا وهو عن الفرق بين قتال الشوارع و بين ماتشاهده في الفيديوهات و اللي بتتدرب عليه في النادي
فيه رسايل كتير جاتلي بتقوللي احنا بنمارس رياضات قتاليه و بنتفرج على فيديوهات وبنتعلم تكنيكاتها كويس بس في قتال الشوارع مش بنعرف نقاتل
الامر اللي حصل ده طبيعي جدا لان قتال الشوارع بيختلف عن مشاهدتك للفيديوهات التعليميه او حتى تدريبك
لازم تعرف ان قتال الشوارع لا يحكمه اي قوانين كل الخيارات مفتوحه امامك وامام خصمك وانت لازم تكون عارف كده قبل دخولك في اي قتال
لازم تعرف ايضا ان خصمك في الشارع مش هيوجه ليك الضربه زي مانت شاهدتها في الفيديو او اتدربت عليها مع زميلك في التمرين
كمثال انت ممكن تكون متعلم تكنيك صد اللكمه اليمنى من الخصم .. طيب هنفترض ان اللي في الشارع كان جاي بيجري عليك مش واقف ثابت زي ماكنت بتتمرن مع زميلك وكمان جاي بيضربك بايديه الاثنين من باليد اليمنى فقط .. ماذا ستفعل ؟؟
هل استفدت من التكنيك اللي اتعلمته في شئ ؟؟ بالطبع لا
انت واجهت تكنيك بشكل اخر .. انت واجهت شخص بيجري ناحيتك و كمان بيضرب بيديه الاثنين !!
طيب هل معنى كلامي ان الفيديوهات والكتب والتدريبات غير مهمه ولا تصلح في قتال الشوارع ؟؟
بالطبع لا انا لم اقل ذلك .. الفيديوهات و الكتب وتمرينك مهمين جدا بس بشرط لازم تعرف كيف ومتى تستخدم هذه التكنيكات
ياعني انا ممكن اديلك بندقيه تروح تحارب بيها وانا لم اعلمك كيفية استخدامها .. هل ستفيدك ؟؟
بالظبط نفس الكلام عن الرياضات القتاليه لازم تعرف الضربات اللي انت بتتعلمها دي بتستخدم امتى وفين وازاي ومع مين ولازم تتعلم ايضا كيفية التفادي .. الرياضات القتاليه مش كل حركاتها قتاليه فيه حركات لتفادي الضربات ودي مهمه جدا ولازم تتعلمها
ياعني لو واحد جاي بيجري عليك مش شرط انك علشان بتمارس الرياضات القتاليه انك توقفه او تضربه وهو بيجري بالعكس انت لازم تتفاداه مع توجيه ضربه ليه او عركلته كمثال
في الفيديوهات التعليميه عايزك تتعلم كويس جداااا تكنيك الضربات و لكن لا تتوقع ان الخصم هيضربك زي الفيديو التعليمي بنفس البطئ والثبات ياعني انا عايزك تفهم مش تحفظ .. افهم التكنيك كويس جداا واعرف امتى بيتم استخدامه
لو عايز بقى تعرف الضربات هتجيلك ازاي في قتال الشوارع قم بمشاهدة فيديوهات لقتال الشوارع على اليوتيوب لخناقات حدثت بالفعل في الشارع .. شوف القتال بيبقى شكله ازاي و ضع نفسك مكان واحد منهم وشوف انت لو مكانه هتعمل ايه وايه التكنيك اللي هتستخدمه ولو مالقتش تكنيك معين لحركه معينه افتح الفيديوهات ودور لغاية ماتلاقي التكنيك
انا عايزكم تتفرجوا على فيديوهات كتير جدا لقتال الشوارع لان هو ده اللي هتلاقيه في الشارع مش اللي انت بتتدرب عليه او بتشوفه في الفيديو
خد تكنيكاتك و الحركات من الفيديوهات التعليميه وخد طرق القتال من فيديوهات قتال الشوارع
معلومه اخيره : كل ضربه ليها اكثر من 100 طريقه للدفاع عنها وصدها على مختلف الرياضات القتاليه انت مش مطالب انك تحفظ كل تكنيكات الدفاع عن ضربه واحده احفظ تكنيك او 2 بالكتير اوي لصد ضربه معينه واتقنه وسيفي بالغرض
الصفحه دي بنحاول نخليها مفيده ليك على قدر الامكان وعايزينك تتعلم منها ازاي تدافع عن نفسك فعلا مش بس كلام ;)
بالتوفيق للجميع وحاضر لو فيه اي استفسار