ضربات القدم

بسم الله الرحمن الرحيم
( ضربات القدم )
هبدا ان شاء الله في سلسله تعليميه عن ضربات القدم
هذكر فيها كل حاجه عنها من حيث انواعها - طريقتها - متى تستخدمها - فائدتها
انت في النادي التعليمي بتتعلم الضربات دي وطريقة استخدامها بس انت ممكن ماتبقاش عارف امتى تستخدمها او مثلا انت اتعلمتها ليه ايه فائدتها
في الصفحه هنا احنا بنعلمك ازاي تدافع عن نفسك علشان كده هنقولك كل اللي تحتاجه عنها وهنخليك تستخدمها الاستخدام الصحيح مش بس كده احنا كمان هنقولك امتى ماتستخدمهاش
المهم تركز في الموضوع وتقراه كويس وانا معاكم لو فيه اي استفسار
( الضربات السفليه )
الصوره 1 بتبين شكلها وهي من الضربات الاساسيه والقويه جدا والتي لا غنى عنها و تستخدم في 90 % من الرياضات القتاليه ضربه بتبقى المساحه بتاعتها من فوق القدم وحتى منتصف الفخد
فائدتها : تقدر بيها تخل توازن الخصم وبعدها تسدد ضربات له
لو قويه شويه تقدر بيها توقعه على الأرض لو كان حمل جسمه كله عليها
لو ضربته بيها عند منطقة جانب الركبه في القدم الاخرى تقدر تعمله كسر في المنطقه دي او قطع في اوتار الركبه زي صوره 2
لو ضربته بيها في منتصف الفخد بصوره قويه ممكن يحصل كسر ايضا عند منطقة الركبه
تستخدمها لما تكون رجل الخصم قريبه منك وتقدر تضربها بسهوله
لو رجل الخصم بعيده لا تستخدمها
( الضربات العلويه )
الصوره 3 بتبين شكلها وهي ايضا من الضربات القويه
فيه مقالات كتير بتقول انها غير مفيده في قتال الشوارع
الكلام ده مش صحيح الضربات العلويه مفيده جدا بس لازم تتم بصوره صحيحه وبتتطلب لياقه علشان تقدر تنفذها لان المنطقه بتاعتها بتكون من فوق الوسط وحتى منطقة الرأس
فائدتها : بتسبب اضرار قويه لو تم ضرب وجه الخصم بيها ولو قويه ممكن يفقد الوعي او يتصاب بكسر في منطقة الراس و ايضا في الرقبه
يتم استخدامها ايضا لو كانت المسافه بينك وبين الخصم قصيره ويكون عندك لياقه تقدر تؤدي الضربه بيها
امتى ماتستخدمهاش ؟
1 - زي ماقولت سابقا لو انت ماعندكش لياقه كافيه
2 - لو كنت ترتدي بنطلون جينز او اي بنطلون ضيق
3 - لو كنت بتقاتل على ارض مبتله ( غير ناشفه )
4 - لو انت ماعندكش لياقه نؤديها فمافيش مشكله لانك ممكن تستخدم اللكم لكن بالطبع ضربة الرجل بتبقى اقوى
مش عايز اطول في الموضوع .. المهم بس تقرا الكلام ده كويس و تستفيد منه
ولو في اي سؤال انا موجود
والسلام عليكم